Azər Əhmədov: «Ümid edirik atalarının yeddisindən sonra Qənimətlə Sakit həbsxanaya yox, «Azadlıq»a qayıdacaq»

 Dünən Şamaxının Meysəri kəndində Qənimət Zahid və Mirzə Sakitin atası Səlim Zahidovun üç mərasimi oldu. Mərasimdə iştirak etmək və müvəqqəti azadlığa buraxılan məhbus qardaşlarla görüşmək üçün hüzr yerinə çoxlu sayda insan toplaşmışdı. Onların arasında AXCP və başqa partiyaların funksionerləri, hüquq müdafiəçiləri Novella Cəfəroğlu, Səidə Qocamanlı, Səadət Bənənyarlı, hüquqşünas Ənnağı Hacıbəyli, vəkil Isaxan Aşurov, həbsdə olan baş redaktor Eynulla Fətullayevin atası Emin Fətullayev, tanınmış yazarlar Xaliq Bahadır, Zamin Hacı, keçmiş müdafiə naziri Rəhim Qazıyev, Q.Zahid və M.Sakitin dostları, tanışları, “Azadlıq”, “Yeni Müsavat” qəzetlərinin əməkdaşları da var idi. Başsağlığına qonşu kəndlərdən də xeyli sayda insan gəlmişdi.

Rauf Mirqədirov: «Ən yaxşı halda Rusiya aralıq razılaşmanın əldə olunmasına imkan verə bilər»

 Dağlıq Qarabağ münaqişəsinin həlli istiqamətində aparılan danışıqlar çərçivəsində imzalanan Moskva bəyannaməsindən sonra Helsinkidə növbəti bəyannamənin imzalanması nəzərdə tutulub. Bu ərəfə isə ATƏT sədri tərəflərin münaqişənin dondurulmuş vəziyyətdən uzaqlaşdırılmasına yaxın olduqlarını deyib. Politoloqlar ATƏT sədrinin nikbinliyi ilə bölüşürlərmi? Siyasi şərhçi Rauf Mirqədirov dövlət başçılarının hələ ki, bu istiqamətdə heç bir siyasi iradə nümayiş etdirmədiklərini bildirdi: “Dağlıq Qarabağ münaqişəsi ilə bağlı sülh danışıqlarında bir neçə dəfə tərəflər sülh sazişinin imzalanmasına çox yaxın olublar. 1998-ci ildə Köçaryanla Heydər Əliyev sülh sazişinin imzalanmasına çox yaxın idilər. O vaxt Ermənistan parlamentdə baş verən qətllə bunun qarşısını aldı.

AMB-nin baş direktoru deyib ki, uçot dərəcəsinin azaldılması daha çox psixoloji xarakter daşıyır

Azərbaycan Milli Bankı tərəfindən uçot dərəcəsinin aşağı salınması ölkədəki kommersiya bankları üçün qabaqlayıcı tədbirdir və əsasən psixoloji amil rolu oynayır. Bu barədə APA-ya AMB-nin baş direktoru Xəqani Abdullayev bildirib. X.Abdullayev hesab edir ki, uçot dərəcəsinin endirilməsi hazırda və ya gələcəkdə Azərbaycanın maliyyə böhranı ilə üzləşəcəyi gözləntiləri ilə bağlı deyil və yalnız daha ucuz maliyyələşdirmə şəraitinin yaradılması barədə bank sisteminə verilən siqnaldır. Xatırladaq ki, cari ilin dekabr ayının 1-dən Azərbaycanda uçot dərəcəsi 10%-dən 8%-ə, faiz dəhlizinin yuxarı həddi 15%-dən 13%-dək, bankların həm manat, həm də xarici valyutada öhdəlikləri üzrə məcburi ehtiyat normaları 9%-dən 6%-ə endirilib. Qeyd edək ki, dünya maliyyə böhranına cavab olaraq, əksər ölkələrin mərkəzi bankları iqtisadiyyatı xilasetmə tədbirləri kimi uçot dərəcələrini aşağı salıb və bu proses davam etməkdədir.

Zeynal Məmmədli: «Xarici radioların yayımını dayandırmaq planları, çox güman ki, «Azadlıq» radiosuna qarşı yönəlib»

 Dünən Media Mərkəzində xarici radioların Azərbaycanda yayımı məsələsi ilə bağlı debatlar keçirilib. Müzakirələrdə Milli Teleradio Şurasının üzvü Qafar Cəbiyev və müstəqil ekspert Zeynal Məmmədli iştirak ediblər. Cəbiyev MTRŞ-in xarici teleradio qurumlarının Azərbaycanın yerli tezliklərində yayımının dayandırılması zərurəti haqda mövqeyini müdafiə edib. Onun sözlərinə görə, Avropanın bir çox demokratik ölkələrində belə təcrübə yoxdur. Bundan başqa, o qeyd edib ki, Azərbaycan Avropa Yayım Konvensiyasının üzvü deyil. Onun rəqibi Zeynal Məmmədli öz növbəsində xatırladıb ki, Azərbaycan Insan hüquqları üzrə Avropa Konvensiyasını imzalayıb və onun 10-cu maddəsinə əsasən, hər bir insanın informasiya əldə etmək hüququ var.

Mirvari Qəhrəmanlı: “Hansısa banqladeşli, sinqapurlu gəlib, torpağımız uğrunda qan tökmüş adamın hüququnu pozur” 

 «Ombudsman Aparatına gedib, ərizəsini götürmək istəmirdilər. Deyiblər ki, biz xarici şirkətlərin işinə qarışmırıq»

 Ölkədə fəaliyyət göstərən “Caspian Shipyard” şirkətinin işdən uzaqlaşdırdığı və təhqir etdiyi Qarabağ əlili, eyni zamanda şəhid ailəsi Ixtiyar Hüseynovun şikayətinə məhəl qoyan yoxdur. Bu barədə məlumatı Neftçilərin Hüquqlarını Müdafiə Komitəsinin rəhbəri Mirvari Qəhrəmanlı verib. Xatırladaq ki, şirkətdə həmkarlar ittifaqını yaradanlardan biri və onun sədr müavini olan I.Hüseynov dekabrın 2-də işdən azad olunub. Qərara etiraz etdiyinə görə isə şirkət nümayəndələri tərəfindən təhqir edilib. M.Qəhrəmanlı I.Hüseynovun müraciətlərinin cavabsız qalacağı halda məhkəməyə müraciət edəcəyini də dedi: “Ombudsman Aparatına gedib, ərizəsini götürmək istəmirdilər.

Vladimir Putin: «Rusiya Abxaziya və Cənubi Osetiyadan getməyə hazırlaşmır»

“Rusiya Gürcüstanın ərazi bütövlüyünün bərpasına kömək etməyə hazır idi, lakin bu ölkənin Cənubi Osetiyaya təcavüzü Gürcüstanı bu şansdan məhrum etdi”. APA-nın Rusiya saytlarına istinadən verdiyi məlumata görə, bunu birbaşa efirdə vətəndaşların suallarını cavablandıran Rusiyanın baş naziri Vladimir Putin deyib. V.Putin bildirib ki, Gürcüstanın bu addımı təkcə Rusiya və onun vətəndaşlarına qarşı yox, gürcü xalqı və dövlətçiliyinə qarşı da cinayətdir:"Nəticədə Gürcüstanın ərazi bütövlüyünə dəhşətli zərbə vuruldu. Əgər bu təcavüz olmasaydı, Rusiya yəqin ki, Gürcüstanın ərazi bütövlüyünün bərpası üçün səylərini davam etdirərdi". Hökumət başçısının fikrincə, avqust hadisələrindən sonra aydın oldu ki, Gürcüstanın ərazi bütövlüyünün bərpası mümkün deyil və gələcəkdə bu bölgədə qan tökülməsinin qarşısını alacaq tədbirlər görmək lazımdır: